أم الملايين - الحلقة 4
الحلقة الرابعة 4
|
التسلسل |
المشهد |
الحوار |
|
المشهد
(23) |
|
|
|
39 |
داخلي \
نهاراً
تجتمع
العائلة بحب بعد وجبة الغذاء (سعيدة، عبدالرحمن، رهف،
محمد، دانة)
دانة تصب
الشاي والقهوة، بينما رهف تقدم الكعك في صحون صغيرة..
تقدم رهف
صحن من الكعك لوالدتها تأخذ سعيدة
صحن الكعك وتضعه جانباً على الطاولة التي بجانب الكنب، ثم تسترسل في حديثها
|
سعيدة:
طبعاً كلكم عارفين إن اليوم جمعتكم مع بعض بعد تفكير طويل عشان أقول لكم على
قراري.
محمد:
أكيد ماما.. وإحنا معاج في أي قرار بتتخذينه. عبدالرحمن:
تفضلي كلنا نسمعج.
سعيدة:
طبعاً انتوا عارفين أن اللي صادني كان صدمة بالنسبة لي، وبالخصوص ما كنت متوقعة
أن بيطلع لي مبلغ هالكثر.. و أبوكم عمره ما قصر معاي ولا معاكم بشي، كل شي كنت
أطلبه كان يوفره لي ، ويوفر لكم كل احتياجاتكم.. فالمليون ما بتغير شي فينا ..
الحمد لله بيت وعندنا وسيارات وعندنا .. والحمد لله..
|
|
40 |
عبدالرحمن
يجلس باسترخاء وراحة والابتسامة ملئ وجهه لأن زوجته قدرته في حديثها..
|
عبدالرحمن:
الحمد لله أهم شي الصحة والعافية. رهف ودانة
ومحمد: الحمد لله
سعيدة:
الحمد لله دائماً نحمده ونشكره على نعمه .. وآنا حبيت أخبركم أني بعطي كل واحد
منكم مبلغ يبدأ فيه مشروعه اللي خاطره فيه ويحقق حلمه..
دانة: صج
.. مشكورة ماما رهف:
شكراً ماما سعيدة:
ولكن بشروط! محمد: شنو
هي الشروط؟ سعيدة:
أول شرط إنكم تقدمون دراسة جدوى للمشروع اللي بتسوونه، وإذا اقتنعت فيه وعجبني
ووافقت عليه بمولكم بكامل المبلغ.
عبدالرحمن
بجدية: تمام..والشرط الثاني؟
سعيدة:
الشرط الثاني عبارة عن دورة توعية عن المال ، ندخلها كلنا مع بعض مع أحد
الاستشاريين أو مدربين مختصين في المال .. وآنا أطلعت على أكثر من دورة وقررت
شنو الدورة اللي بندخلها ومع أي مدرب.. ها اشقلتوا؟
محمد:
أكيد موافقين وهذا الشي يكون في مصلحتنا. رهف:
طبعاً.. آنا أحب هذا النوع من الدورات يوعينا أكثر.
دانة: آنا
أول مرة بدخل دورة من هذا النوع وبالخصوص إني ما أحب الدورات.. بس ليش لا خلني
أجرب واستفيد..
عبدالرحمن:
تعرفيني عدل يا أم محمد .. صحيح إني اسمح لج بحضور الدورات لكني ما أحب أتقيد
وأحضرها..
سعيدة:
كنت متوقعة ردة فعلك.. بس بعد ارجع وأقول لك هذا شرط أساسي للتمويل.
رهب: بابا
صدقني بتستفيد ويمكن تحصل أفكار تضيفها في دراسة الجدوى..
محمد:
بابا وافق.. لازم نطلع شوي عن المألوف ونخوض التجربة. دانة: صح
الحياة تجارب..
|
|
|
يصمت
الجميع بضع دقائق مترقب رد الأب ثم يقرر و يتحدث
|
عبدالرحمن:
وهذا الشرط الثاني وافقنا عليه، في شروط ثانية بعد؟ سعيدة: هو
مو شرط ثالث .. باعتبره اتفاقية بينا .. دانة:
اتفاقية شنو ماما؟
سعيدة:
نتفق مع بعض إن الكلام اللي دار بينا الحين ما يطلع لبره البيت ، لا أصدقاء ولا
خطيب ولا أخو أو خالة ولا أي أحد.. اعتبروا الموضوع سر بينا..
دانة: أفا
عليج ماما سرج ببير محمد: أنا
ببدء بكتابة دراسة الجدوى من اليوم مادام الحماس ألف..
سعيدة:
عموماً الدورة مدتها أسبوعين بس، وتبدأ الأسبوع الياي. رهف: آنا
أكثر وحدة متحمسة لهذي الدورة. |
|
41 |
تبدو
السعادة على وجوههم |
موسيقى
تصويرية |
|
المشهد
(24) |
|
|
|
42 |
داخلي \
نهاراً داخل مطبخ
نادية تجلس
نادية وابنها فهد وتتكلم معه بصوت منخفض خشية أن يسمع حديثهما عمر.. |
نادية: ما
اتصلت في دانة اليوم؟ فهد:
اشفيج يمه تتكلمين بصوت منخفض هاللون؟ نادية:
مابي أبوك يسمعنا.. بعدين يغربلنا .. المليون طلعت لأختي وهو شاط عمره علينا
كأنه المليون له.. فهد إي
والله يمه وايد محتر ابوي من طلعت المليون والطمع زايد في أعلى درجاته.. نادية:
خفض صوتك لا يسمعنا وقول لي ما اتصلت دانة؟ فهد: لا
.. بس قالت اليوم بيجتمعون بس ما تدري ليش!
|
|
43 |
يدخل
الطفل علي وبيده كرة يحملها بيده على جانبه |
علي: أنا
سمعت كل شي الحين بقول لأبوي كل شي نادية
متفاجأة: تعال يا الخبل فهد: يا
الفتان تعال لا اصفقك الحين |
|
المشهد(25) |
|
|
|
44 |
داخلي \ ليلاً
داخل غرفة
دانة تجلس دانة
على المنضدة وبجانبها أختها رهف تتحدثان عن ما حصل في الاجتماع |
رهف: انتي
قلتي لفهد عن الاجتماع؟ دانة:
بالصراحة إيه .. قلت له أن ماما تبي
تخبرنا شنو بتسوي في المليون.. رهف: أوه
لا لا .. اشفيج أنتي مينونة دانة: ما
كنت أدري أن ماما ما تبي أحد يدري رهف:
والحين بتخبرينه بكل شي بعد ما وعدنا أنه سر دانة:
أكيد بيسألني .. ما ادري شنو أرد عليه رهف: آنا من
رآيي ما تخبرينه بشي .. قولي له اللي بقول لج عليه عشان ما يسألج مرة ثانية دانة: يا
الله اتحفينا .. كل آذان صاغية
|
|
45 |
محمد يدق
باب غرفة دانة |
صوت طرق
الباب دانة:
تفضل محمد: فهد
في الصالة يبيج دانة: قول
له شوي ويايه |
|
46 |
يخرج محمد
من غرفة دانة |
محمد: لا
تطولين .. أنا عندي مذاكرة ما بقعد معاه دانة: إن
شاء الله.. دقايق ونازلة |
|
47 |
تلتفت إلى
رهف |
دانة:
شفتي .. ما قلت لج ما بيخليني إلا لما يعرف كل شي رهف: لا
تحاتين الحل عندي.. انتي بس قولي له كل اللي بقول لج إياه ولا تهتمين |
|
المشهد
(26) |
|
|
|
48 |
داخلي \
ليلاً في صالة
شقة نادية يجلس عمر
ونادية وعلي |
نادية:
علي حبيبي روح غرفتك تأخر الوقت وبكرة مدرسة علي: ماما
بقعد معاكم شوي عمر
بعصبية: روح نام عندي سالفة مع أمك وما ابيك تسمعها علي:
قولوا جذيه من قبل .. تصبحون على خير
|
|
49 |
يغادر الطفل
علي الصالة |
عمر
بنضرات ثاقبة: قال لي علي إن في اجتماع اليوم .. نادية بارتباك:
اجتماع شنو؟؟ ما ادري عن شنو تتكلم؟ عمر: لا
تتبهللين علي.. علي قال لي كل شي .. اجتماع سعيدة وأولادها عن المليون نادية
بانفعال: هذا أنت قلت سعيدة مع عيالها .. احنا شكو بالسالفة عمر: لنا
دخل بالسالفة.. مو يمكن يطلع لنا طشار من المليون نادية: آنا
تعبت من هالسالفة .. خل أختي تتهنى بفلوسها مالنا دخل بفلوس غيرنا عمر:
علميني شنو قالت في الاجتماع نادية
بتهكم: وآنا اشدراني؟ ولدك فهد راح لدانة وأكيد بتخبره بكل شي.. عمر: ننطر
ونشوف |
|
50 |
يدخل فهد من
باب الشقة |
فهد: سلام
عليكم نادية
وعمر: عليكم السلام نادية:
اشفيك متغيرة ألوانك؟ فهد: ما
فيني شي .. بس شوي تعبان بروح غرفتي عمر: تعال
هني .. ما في تروح غرفتك قبل ما تقول لنا شنو قالت لك دانة عن اجتماع أمها؟ |
|
فهد ينظر
لوالدته |
نادية:
أوبوك درى أن في اجتماع والبركة في أخوك. عمر: يعني
ما كنتوا ناوين تقولوا لي! فهد: حتى
لو دريت يبه ما في فايدة عمر: ليش؟
شنو صار؟ فهد:
حاولت اسحب حجي من دانوو.. وقالت لي أن خالتي قالت لهم لا أحد يفتح معاها
الموضوع إلا بعد سنة .. بتخلي المبلغ في البنك وبتجمده لما تعرف شنو بتسوي فيه..
خاصة إن نفسيتها تعبانة من الموضوع وإنها تحس بضغط عليها عمر
بحماسة زائدة: ليش؟ مو من حقها .. وشلون انفذ مشاريعي.. إذا ما تعرف تتصرف في
المليون تعطيني إياها أنا بشغلها لها .. شنو هالهبل
|
|
|
فهد
ووالدته ينظران له بخوف |
|
|
|
المشهد (27) |
|
|
|
51 |
داخلي \
ليلاً بعد
يومين.. تزور
سعيدة وزوجها عبدالرحمن والدتها في بيتها وتتواجد العائلة والأحفاد جميعاً
معاً.. رهف
كالعادة تقدم الكعك اللذيذ الذي تتقن صنعه ودانة تقوم بصب الشاي للموجودين
نظرات
الحقد مثل السهم تخرج من عمر زوج نادية ابتسامة
عريضة على وجه سعيدة وزوجها ويبدو
أنهم يشعرون بالراحة بينما فهد
ومحمد مشغولين بهاتفهما النقال والطفل
علي كعادته يلعب البلستيشن في شاشة التلفاز الذي في الصالة ويجلس
خالد وزوجته فوز بجانب نادية
وتجلس
الجدة (أم سعيدة) مع عكازها متوسطة الحضور
|
موسيقى
تصويرية
خالد: خوش
طبخة اليوم .. ما أحلى المجبوس نادية:
بعد .. طباخ مرتك أكيد بتنعت فيه
سعيدة:
الله يعطيج العافية فوز .. تسلم ايدج فوز:
مشكورة يا الغالية الله يسلمج يا ذوووق
رهف: و
آنا بعد تسلم ايدي .. كعكة الجزر اللي مسويتها اليوم بتآكلون أصابعكم وراها
خالد: ما
بناكلها عيل .. نخاف على أصابعنا يبت أختي
|
|
52 |
ضحك
الجميع إلا وجه عمر يظهر منه الشرار وكأنه مغصوب على الحضور مع العائلة |
صوت ضحكات
العائلة
أم سعيدة:
الله يقطع بليسك يا خالد ما تجوز عن قطاتك..
سعيدة:
أخوي خالد طول عمره خفيف دم ودمه عسل
أم سعيدة:
شوفوا اشحالتكم متجمعين .. دايماً زوروني .. والله اني استانس على ييتكم
فوز: إيه
والله .. يصير حس في البيت .. احلى شي التجمعات العائلية وسويت رهف
رهف: شكرا
مرة خالي يا عسل
نادية:
الله يرزقك يا خوي بضنى يملي عليك حياتك
خالد
بإحراج: إن شاء الله خير |
|
53 |
عمر يترجل
من مكانه |
عمر: أنا
استأذن .. قعدتكم ما تنمل بس شوي مشغول .. أنعم الله عليكم نادية:
آنا بقعد بعد فهد: لا
تحاتين يمه أنا بوصل جمعاي عمر: تمام
.. مع السلامة خالتي أم سعيدة:
الله يسلمك يا بو فهد.. بس لا تقطعنا عمر: يصير خير
|
الحلقة الخامسة ستكون ملهمة للكثيرين .. كونوا بالقرب
تحياتي للجميع
زهرة علي
شو هيدا كتير حماس .. بحب اللهجة الخليجية
ردحذفأهلاً بك بيننا.. شكراً جزيلاً على المتابعة
حذف