أم الملايين - الحلقة 5
|
التسلسل |
المشهد |
الحوار |
|
المشهد
(28) |
|
|
|
54 |
داخلي \
نهاراً في إحدى
القاعات قاعة
مزودة بسبورة بيضاء مكتوب عليها "كورس الثراء" وكراسي مع طاولة على
شكل نصف دائرة مثل طاولة الاجتماعات
تشرح
المدربة سوسن للمشتركين كورس خاص بالثراء هناك
أشخاص (كومبارس) موجودين في الكورس وكذلك تتواجد عائلة عبدالرحمن الذين يصغون
بإهتمام لما تقوله المدربة..
|
موسيقى
تصويرية |
|
55 |
المدربة
منهمكة في الشرح |
المدربة
سوسن: الآن بعد أن شرحت وتعرفنا على قراصنة المال والمتطفلين الذين يضنون أن لهم
الحق في التصرف في أموالنا.. هل لديكم أمثلة في حياتكم بهذا الخصوص؟ واذكركم
المشاركة مع بعضنا مهمة جداً لنأخذ الخبرة مع بعضنا |
|
56 |
يرفع أحد
الحاضرين (الكومبارس) يده |
المدربة
سوسن: تفضل يا مصعب مصعب: أنا
أول ما اشتغلت كنت مستانس أن عندي معاشي في ايدي وما عندي التزامات .. في هذي
الفترة كنت أعشي أصدقائي على حسابي في كل طلعة مع أنهم يشتغلون بس ما كانوا
يدفعون.. وكانوا يسلكون لي إني كريم وأنا من كثر النعت اللي احصل اصرف واعطي وما
يجي نهاية الشهر إلا مفلس .. بس لاحظت أنهم ما يتواجدون معاي إلا في وقت المعاش
.. ومن يخلص الراتب ما اشوفهم حتى يتصلون.. هل اعتبرهم من قراصنة المال؟
المدربة
سوسن: مشاركة رائعة يا مصعب.. أكيد.. لأنهم يستغلون طيبتك ويآخذون منك بدون ما
تحس.. حاول تتجاهلهم وحافظ على النعمة اللي أنت فيها يمكن بكرة تتزوج وتلتزم
وتحتاج للمال وما تلاقي أحد منهم يساعدك.. |
|
57 |
ترفع أحد
الحاضرات(الكومبارس) يدها للمشاركة |
المدربة
سوسن: تفضلي يا فرح
فرح: أنا
نفس الشي اشتغل بس أخوي دائما يستعطفني ويآخذ مني مبالغ بحجة انه محتاج ولأنه
متزوج ووراه التزامات وآنا لا .. شلون اتصرف معاه وبالخصوص انه قريبي؟
المدربة
سوسن: بعض الأحيان يفيد التجاهل.. وتدريجياً انسحبي من العطاء حتى لا يتنزف
أموالك.. هذا ثمرة جهدك وتعبك في العمل لا تسمحي لأحد أن يستغلك.. حاولي قول لا
في الوقت المناسب.. اشكرك على شجاعتك |
|
58 |
ينظر
العائلة كل للآخر بخجل وكأنهم استوعبوا أول درس |
موسيقى
تصويرية |
|
المشهد
(29) |
|
|
|
59 |
خارجي \
نهاراً
فهد داخل
السيارة يتصل بدانة |
فهد: ألو
.. وينج اتصل فيج ما تردين
|
|
60 |
داخلي \
نهاراً دانة في
غرفة خاصة بالاستراحة (بريك) تجلس في طاولة مع أختها رهف وتتناول كوب القهوة
بيدها |
دانة:
تلفوني سايلنت .. توني اشوف مكالمتك
|
|
61 |
خارجي \
نهاراً
فهد داخل
السيارة يتصل بدانة |
فهد: ليش
وينج؟ أنا عند باب بيتكم وما في أحد يفتح لي الباب |
|
62 |
داخلي \
نهاراً دانة في
غرفة خاصة بالاستراحة (بريك) تجلس في طاولة مع أختها رهف وتتناول كوب القهوة
بيدها |
دانة: آنا
خبرتك قبل عندي دورة تبع تخصصي ودكتور الجامعة خبرنا أن حضورها بيساعدنا على فهم
المادة أكثر .. |
|
63 |
خارجي \
نهاراً
فهد داخل
السيارة يتصل بدانة ثم يغلق
هاتفه |
فهد: أوكي
أوكي .. نسيت .. يالله باي |
|
64 |
داخلي \
نهاراً دانة في
غرفة خاصة بالاستراحة (بريك) تجلس في طاولة مع أختها رهف وتتناول كوب القهوة
بيدها |
رهف تغمز
لأختها دانة: شكلج فهمتي الدرس عدل دانة:
والله من المدربة تكلمت عن هالموضوع وآنا شاكة في فهد..
رهف: أكيد
خايفة أنه يستغلج.. دانة:
المشكلة آنا اثق فيه وأحبه وأخاف يكون مو قد الحب
رهف: أنا
أقول نخلص الكورس اللي شكله بيفتح عينا على أشياء وايد .. وبعدين نقرر شنو بنسوي
مع بعض العلاقات.
دانة:
معاج حق.. بس صج كلامها واقعي .. هز لي مشاعري
رهف: أوه
لا لا.. انتهى وقت لبريك .. يا الله نرجع لا يفوتنا شي |
|
المشهد
(30) |
|
|
|
65 |
داخلي \
ليلاً
داخل غرفة
خالد وفوز.. كانت فوز منهمرة في البكاء، وخالد يحاول تهدئتها |
خالد: ما
يصير يا حبيبتي اللي تسوينه في روحج فوز: شنو
اللي ما يصير .. أنت ما سمعت أختك نادية شلون فشلتني المرة اللي طافت
خالد:
والله ما تقصد .. الكل يعرفها لسانها مفلوت بس قلبها أبيض
فوز: وآنا
شسوي في قلبها الأبيض وقلبي المكسور من يجبره خالد:
يجبره رب العالمين إن شاء الله فوز: الله
يقول اسعى يا عبدي وأنا اسعى معاك خالد:
والنعم بالله فوز: بس
أنت ما تتحرك.. مرة وحدة اللي جيت فيها معاي عند الطبيبة وخلاص ما عدتها خالد:
الطبيبة قالت ما فينا شي وكل النتائج سليمة .. كل شي بيد الله .. إذا كتب لنا
يصير عندنا ياهل بيصير بس لا تستعجلين الأمور فوز: شلون
ما استعيل .. 9 سنوات من تزوجنا وتقول لي لا تستعيلين خالد: أنا
هذا السالفة ما أحب أتكلم فيها فوز:
دايما تسد المواضيع بكيفك.. إذا ما تكلمنا الحين متى نتكلم بعد 20 سنة ؟؟..
فهمني خالد: أو
هو .. القعدة معاج تضيق الصدر .. أنا بنزل مع الوالدة أحسن لي |
|
66 |
يترك خالد
الغرفة و فوز تواصل بكائها بحرقة قلب |
|
|
المشهد
(31) |
|
|
|
67 |
داخلي \
ليلاً
تجلس
سعيدة في غرفة النوم وبيدها الريموت كونترول وتحاول أن تبحث عن فيلم أو مسلسل
تلفزيوني لتتابعه وعبد
الرحمن شارذ بذهنه .. ثم يبدأ بالحديث معها
|
موسيقى
تصويرية
عبدالرحمن
يتنهد: آه ه ه .. تدرين يا أم محمد أن الدورة اليوم فتحت علي أفكار وخلتني أفكر
وايد
سعيدة:
تحس أنك استفدت عبدالرحمن:
أكيد .. بالصراحة وبكل وضوح عرفت أن أخوي عبدالله يستغلني ويستغفلني .. هو يبي
يستعملني عشان يحصل على مبالغ منج .. وأنا كنت مو بوعيي لما وافقت على الكلام
اللي يقوله.. هو كان يحرضني عليج
سعيدة:
آنا عرفت إن هو ورى كل المشاكل اللي مريت فيها معاك في الفترة الأخيرة بس فضلت
إني أصبر
عبدالرحمن:
هو مشروع العقارات اللي فاتحني فيه زين .. بس حسيت أنه طالب مبالغ غير معقولة
عشان أدخل شريك معاه..
سعيدة:
آنا أقول نخلص الدورة التدريبية هالفترة وبعدها قرر شنو بتسوي من مشروع وإذا
بتدخل معاه شريك أو بتفتح مشروع ثاني .. المهم تقدم لي دراسة جدوى مقنعة و تكون
مفتح عينك وعقلك عدل..
عبدالرحمن:
كل كلامج صحيح |
|
المشهد
(32) |
|
|
|
68 |
داخلي \ ليلاً في صالة
منزل أم سعيدة خالد يجلس
بضجر مع والدته "أم سعيدة" |
أم سعيدة:
اشفيك عاقد النونه؟ متهاوش مع مرتك؟ خالد: ما
فيني شي .. بس قلت أقعد معاج شوي وبعدين بنام علي شغل.. أم سعيدة:
كل هذا وما فيك شي.. إلا شايل الدنيا فوق راسك.. خالد
يبتسم مرتبكاً: أفا .. ما فيني إلا العافية أم سعيدة:
آنا أمك واحس فيك حتى لو ما تكلمت .. ولا علي من ضحكتك ومزاحك مع الناس وأنت
شايل هم اشكبره على صدرك.. خالد
يتنهد: آه ه .. أم سعيدة:
ولا عليك كل شي بأمر الله .. الله يرزقك يا ولدي .. وما عليك من كلام الناس
|
|
المشهد (33) |
|
|
|
69 |
داخلي \
ليلاً في صالة
منزل سعيدة يجلس محمد
ورهف ودانة يتبادلون الأحاديث معاً |
محمد: أنا
قررت اسوي دراسة جدوى لمركز بحوث .. وبختار فيه أشخاص مبدعين في التصميم
والالكترونيات .. لأن مو كل الناس تعرف أسرار الكمبيوتر .. وخاصة الطلبة يحتاجون
هذي الإبداعات اللي بيقدمها مركزي سواء طلام مدارس أو جامعات أو حتى طلبة
ماجستير .. بخلي خدماتنا منوعة ومميزة غير عن المعتاد..
رهف: أوه
لا لا .. الفكرة وايد حلوة وأحسها تناسب ميولك .. وأنت تحب الالكترونيات
والبرامج..
دانة:
فعلاً فكرة حلوة ومناسبة .. من رايي تبدأ بكتابة دراسة الجدوى
محمد: أكيد
.. وهذي الشغلة بتدعمني أكثر في دراستي المدرسية وحتى الجامعية مستقبلاً .. بكسب
خبرات من المركز والبحوث اللي بنقدمها
رهف: توكل
على الله .. دانة:
الله يوفقك يا خوي .. أتوقع الماما توافق على فكرتك العبقرية محمد: وانتوا
شنو اخترتوا؟ رهف: آنا
للحين ما استقريت على فكرة .. بس أكيد إذا استقريت بعلمكم عشان تدعموني بأفكاركم
الإبداعية..
دانة: آنا
محتارة أسوي صالون تجميل نسائي أو أفتح محل ورد
رهف: أوه
لا لا يا رومانسية .. كل مشروع أحلى من الثاني
محمد: من
رآيي تسوين مقارنة من حيث المميزات والأرباح والمعدات والشي اللي تميلين له
وتحسين انج بتبدعين فيه هو اللي اختاريه
رهف: صح
بالورقة والقلم يبين إذا المشروع بينجح أو لا
دانة:
الله عليكم .. آنا بروح غرفتي الحين بسوي المقارنة وبشوف الأحسن
محمد:
وأنا بعد بروح ارقد بكرة مدرسة
رهف: وآنا
بعد .. تصبحون على خير |
|
المشهد
(34) |
|
|
|
70 |
داخلي \
ليلاً في غرفة
نوم نادية وعمر |
عمر: أنا
مو داخل في مخي أن سعيدة جمدت المبلغ في البنك! نادية:
ليش يعني فهد يقص عليك. عمر: قصدج
دانة اللي قصت عليه.. نادية:
شلون؟ عمر: ما
تبينا نشاركها الملايين نادية:
والله آنا مليت من هالسالفة عمر: أنا
ما مليت والأكيد إني بلاقي طريقة أوصل بها .. |
نلتقي في الحلقة السادسة
اكتبوا لي في التعليقات توقعاتكم للحلقة القادمة
تحياتي
زهرة علي
يعطيك العافيه
ردحذفالله يعافيك .. شكرا على متابعة المدونة.
حذف