أم الملايين - الحلقة 3
مرحبا
اللي يحب يتابع حلقات المسلسل
اتمنى لكم متابعة ممتتعة ومفيدة وملهمة
|
التسلسل |
المشهد |
الحوار |
|
المشهد
(14) |
|
|
|
24 |
داخلي \
ليلاً في ممرات
المستشفى تجتمع
العائلة للاطمئنان على سعيدة تخرج
الطبيبة لتطمئنهم |
|
|
25 |
يتجمع
الأهل ناحية الطبيبة |
عبدالرحمن:
طمنينا شلونها؟ الطبيبة:
هي بخير .. بس الظاهر متعرضة لصدمة نتيجة تراكمات.. رهف: تراكمات! دانة: يا
حبيبتي يا ماما رهف: يصير
نشوفها الحين؟ الطبيبة:
الحين لازم ترتاح 12 ساعة مع المغذيات وبعدها ممكن تشوفونها.. عبد
الرحمن باهتمام: يمكن تكلميني عن حالتها أكثر .. حاب اطمن عليها. الطبيبة:
تفضل معاي المكتب.. لأن ابي اعرف تفاصيل أكثر عن الحالة رهف
باهتمام: آنا بيي معاك بابا |
|
اومئ
عبدالرحمن برأسه موافقاً وذهب مع
ابنته لغرفة الطبيبة |
|
|
|
المشهد (15) |
|
|
|
26 |
داخلي \
ليلاً داخل
السجن محمد
موقوف بين أقطاب السجن |
محمد
بحزن(صوت داخلي): معقولة من اتصل فيهم الشرطي قالوا دقايق وما حد منهم مر..
معقولة ماحد اهتم أو حاول يطلعني من هني.. كل اللي معاي مروا عليهم أهاليهم
وطلعوهم إلا أنا.. |
|
المشهد
(16) |
|
|
|
27 |
داخلي \
ليلاً داخل مكتب
الطبيبة تجلس
الطبيبة وأمامها عبدالرحمن ورهف |
الطبيبة
باهتمام: شنو اللي وصلها لهذه الحالة بالضبط؟ عبدالرحمن:
جاني تلفون أن ولدنا صار في الشرطة وهي من سمعت الخبر اغمى عليها.. الطبيبة:
عندك مشاكل معاها أو عندها مشاكل مع أحد مثلاً؟ رهف: ماما
طيبة مع الكل والكل يحبها .. بس من أسبوعين فازت بالجائزة الأولى من البنك ..
وهي ما عبرت عن شعورها .. الظاهر أن صدمة المليون أثرت عليها وهي سبب
التراكمات.. الطبيبة:
صحيح.. في صدمات من هذي النوع بس الكثيرين يتجاهلونها .. اسمها صدمة الثراء
المفاجئ عبدالرحمن
مستغرباً: أنا أول مرة اسمع بهالنوع من الصدمات! الطبيبة:
إذا ما كانت متهيئة ولا عبرت عن شعورها أو ما كانت مستعدة ومخططة لهذي اللحظة
الأغلب تكون صدمة بالخصوص إذا ما عرفت تعبر عن هذي الشي .. وناس تطول معهم
الصدمة لسنوات .. رهف: طيب
شنو الحل مع هذي المشكلة؟ الطبيبة:
الحل الأول لهذي اللحظة أن ولدكم لازم يطلع من الشرطة الحين عشان أول ما تصحى
تطمن عليه.. عبدالرحمن
بحزم: الحين اروح له.. رهف:
والحل الثاني؟ الطبيبة: واحد
من هذي الأشياء أما تراجع طبيب نفسي أو تدخل دورة عن المال أو تآخذ استشارة عند
استشاري في المال وكل واحد بيفيدها بتخصصه.. عبدالرحمن:
لازم كلهم ؟ الطبيبة:
ينفع كلهم أو واحد منهم كفيل أنه يصحيها .. هي محتاجة طريق يدليها شلون تتصرف في
الأيام الجاية بكل هالثروة.. عبدالرحمن:
يبتيها صح..مشكورة وما قصرتي.. رهف:
كنا محتاجين نسمع هذا الكلام خصوصا أن
واضح على ماما التشتت في الفترة الأخيرة.. الطبيبة:
إذا احتجتوا أرقام مكاتب و مختصين عندي لسته بطبعها لكم وانتوا اختاروا الأنسب..
وطبعاً هذي الفترة مهم جداً تهتم بتغذيتها وصحتها عشان تكون احسن.. عبدالرحمن:
إن شاء الله يا رب تكون أحسن |
|
المشهد (17) |
|
|
|
28 |
داخلي \
ليلاً داخل غرفة
نوم أم سعيدة.. خالد يمسك الدواء وزوجته فوز تحمل صينية العشاء |
خالد: يمه
حبيبتي لازم تآكلين عشان تآخذين دواج أم سعيدة
معاندة: ما بي عشاكم ولا بي آخذ الدواء .. ابي بس اتطمن على بنتي واسمع صوتها فوز
باهتمام: خالتي احنا كلمناهم في المستشفى .. قالوا زينة بس تحتاج لراحة شوي
وأكيد لما تصحى بنكلمها .. الطبيب كلمهم وقال انها زينة.. أم سعيدة:
وآنا شينطرني لبكره؟ خالد:
يالله عاد يمه عشاني يمه .. اكلي و آنا اوعدج من الصبح أحنا في المستشفى عندهم.. |
|
تومئ
برأسها موافقة |
|
|
|
المشهد
(18) |
|
|
|
29 |
داخلي \ ليلاً داخل مركز
الشرطة يتم
استدعاء "محمد" إلى غرفة الضابط |
|
|
30 |
يدخل محمد
ويبدو على ملامحه الندم والتعب والحزن.. يلتفت
إليه والده يقف
عبدالرحمن من مكانه ويتوجه ناحية محمد ليعطيه صفعة (كف) على وجهه فيبكي
محمد متألماً من قوة الصفعة |
|
|
يرفع
الشرطي صوته معاتباً الأب |
الضابط
غاضب: غلط .. هذا المكان مو للضرب .. الضرب ما يحل المشكله .. كل شي ينحل
بالحوار وبالتفاهم. |
|
|
تسقط دمعة
على خد محمد متأثراً |
محمد: آسف
بابا لأني ما سمعت كلامك .. أوعدك آخر
مرة.. أنا غلطان .. أنا كنت.. |
|
|
يضم
عبدالرحمن ابنه محمد إلى صدره ويتحدث بغضب |
عبد
الرحمن يقاطع حديث محمد: أنت تدري أن أمك دخلت المستشفى بسببك .. وللحين ما صحت محمد
يتفاجئ: ماما في المستشفى! اشفيها؟ عبدالرحمن:
بعدين اخبرك بكل شي.. عبدالرحمن
للضابط: متى اقدر أطلعه من هني؟ |
|
|
الضابط
يخرج ورقة التعهد من الملف مع قلم |
الضابط:
تقدر تآخذ ولدك معاك بس ضروري يوقع على هذا التعهد .. وأن ما يسوق بدون ليسن لسلامته
وسلامة الآخرين. |
|
|
المشهد
(19) |
|
|
|
31 |
داخلي \
نهارا داخل
المستشفى " تحديداً في غرفة خاصة لسعيدة" تجتمع العائلة لزيارتها بعد
أن أفاقت .. وباقات الورد تزين الغرفة |
أم سعيدة
بحب: جذي يابنيتي تخوفينا عليج. فوز:
والله ما رقدت طول الليل تحاتيج .. اهتمي بصحتج ترى في ناس تحبج.. نادية: أكيد
الكل يحبج يا اختي .. ضروري تآكلين وتتقوين عشان عيالج طول الليل في المستشفى ما
رجعوا البيت.. سعيدة:
وين محمد؟ |
|
32 |
يدخل عبدالرحمن
ومعه باقة ورد يقدمها لسعيدة |
رهف: أوه
لا لا.. ما نقدر على الحب |
|
ثم يضحك
الجميع مجاملاً |
|
|
|
|
سعيدة:
وين محمد؟ عبدالرحمن:
موجود .. وديته البيت يضبط نفسه والحين واقف بره يبي إشارة.. خايف ومستحي.. سعيدة: ما
يحتاج إشارة خله يدخل |
|
|
33 |
عبدالرحمن
يفتح الباب محمد يحمل
باقة ورد كبيرة ويقدمها لوالدته ويقبلها على رأسها فتحتضنه |
محمد: حمد
الله على السلامة ماما.. أنا آسف سعيدة:
الله يسلمك يا نظر عيني.. تعال يمه اقعد .. سوو له مكان فهد: إلا
متى بيرخصونها أم سعيدة:
إي والله المستشفى تييب الغمته عبدالرحمن:
أنا كلمت الدكتورة وقالت بكره الصبح بيرخصونها دانة: إن
شاء الله يا رب |
|
المشهد
(20) |
|
|
|
34 |
داخلي \
نهاراً تجلس رهف
مع والدتها في صالة المنزل |
رهف: ماما
يمكن أكلمج في موضوع؟ سعيدة:
أكيد حبيبتي قولي اللي تبينه رهف:
تذكرين لما كنتي بالمستشفى.. سعيدة:
دخلي في الموضوع على طول وبدون مقدمات ما احب اللف والدوران أحب الوضوح |
|
رهف تعتدل
في جلستها ثم تباشر حديثها |
رهف:
الدكتورة قالت أن معاج صدمة بسبب فوزج بالمليون وحبت أنها تساعدنا عطتنا لسته
فيها أرقام لمستشارين ماليين ودكاتره يعطون دورات في المال و أطباء .. آنا بعطيج
اللسته وأنتي حددي شنو اللي يناسبج .. أتمنى تكوني فهمتي علي سعيدة: مو
مشكلة اعطيني الورقة وآنا بقرر .. رهف بحماس:
ويلوموني في حبج .. تفهميني بسرعة سعيدة:
أكيد حبيبتي بس لا تشغلي نفسج بموضوعي واهتمي بدراستج.. رهف:
اليوم الجمعة خلني شوي ارتاح |
|
|
35 |
يدخل عبدالرحمن
ومحمد بعد أن عادا من صلاة الجمعة .. ولأول مرة محمد يرتدي الثوب والغترة
والعقال |
عبدالرحمن
ومحمد معاً: سلام عليكم سعيدة
ورهف: وعليكم السلام ورحمة الله وبركاته .. هلا هلا رهف
لمحمد: شنو ذي الكشخة ؟ محمد بثقة:
لزوم صلاة الجمعة رهف ممازحة:
أوه لا لا .. أنت معلم محمد:
صلاة الجمعة في المسجد أحلى بوايد من البيت صج راحة نفسية. سعيدة
بحنان: الله يهديك يا قلبي أنت عبدالرحمن:
الله يهدي الجميع .. يالله بنبدل وحطوا الغذى.. محمد: بس
دانة مو هني؟ سعيدة:
دانة اليوم راحت تتغذى في بيت خالتك نادية |
|
المشهد
(21) |
|
|
|
36 |
داخلي\
نهار في شقة
نادية تجلس العائلة لتناول وجبة الغذاء ومعهم هذه المرة دانة بعد أن أصر فهد أن
تقبل عزومته في هذا اليوم |
نادية
بلطف: ما بغيتي تيين تتغذين معانا؟ فهد: من
زمان أحن عليها بس توها ملبية الدعوة. دانة: كنت
مشغولة بالدراسة والجامعة واللوية اللي صارت آخر مرة. عمر: إلا
شلون الوالدة الحين؟ دانة:
الحمد لله وايد صارت أحسن. عمر: للحين
ما قررت شنو بتسوي في المليون؟ دانة
بإحراج: بيزاتها وكيفها .. حتى لو كانت أمي ما لي الحق أملي عليها شنو تسوي.. فهد
مقاطعاً: بالعكس لازم توجهينها عشان ما تضيعهم .. هذي لفلوس لنا كلنا.. نادية
معاتبة بنظرات حادة: فهد شنو هالكلام؟ دانة: كل
واحد له ذمة مالية مختلفة عن الثاني وما لنا حق نملي على الناس شنو يسوون .. أمي
مرة كبيرة ودارسة ومطلعة على كتب .. يعني أكيد تفهم وتعرف شنو تبي تسوي بس يبي
لها شوية وقت على ما تتأقلم مع الوضع وقرر.. نادية:
حبيبتي أختي من حصلت هالمليون ما توفقت من مستشفى لمستشفى .. عين ما صلت على
النبي.. عمر: بس
لازم تخبركم شنو بتسوي فيهم على الأقل تحطكم في الصورة يمكن تفيدونها بنصايحكم
وحتى أحنا يمكن تستشيرنا ونفيدها ونوجهها.. دانة: بعد
وجهة نظر بس الاختلاف لا يفسد للود قضية.. فهد: مو
قضية ولا شي .. إذا خالتي خبرتج شنو بتسوي خبرينا على الأقل عشان نتطمن.. علي
ببراءة: تتطمنون ؟ أنا بعد أبي اتطمن عشان تعطيني خالتي.. محتاج سكنات جديدة
للبلستيشن. |
|
يصمت
الجميع مع تبادل نظرات التوتر.. ولا يوجد غير صوت أدوات الطعام .. الملاعق
والصحون وتوجه
نادية نظرات حادة لزوجها وابنائها ولكن دون فائدة.. بينما
دانة تحاول أن تتأقلم مع الحديث وهي تتناول طعامها بإحراج شديد |
صوت ملاعق
وصحون |
|
|
المشهد
(22) |
|
|
|
37 |
داخلي \
نهارا في صالة
منزل سعيدة .. (محمد ورهف وعبدالرحمن وسعيدة) يتناول الجميع (الشاي والقهوة بعد
فترة الغذاء .. ومع صورة لمسلسل تلفزيوني على شاشة التلفزيون في الصالة |
سعيدة:
آنا اطلعت على الموضوع اللي كلمتني فيه رهف واقتراحات الدكتورة.. وعرفت شنو ابي
بالضبط.. |
|
38 |
يتناول
عبدالرحمن ريموت التلفزيون وينقص من صوته ليستمع باهتمام لما تقوله زوجته سعيدة.. |
سعيدة: و
بكرة بجتمع معاكم ومع دانة وبخبركم بكل قراراتي .. بس يكون هالشي بينا وما ابي
أحد يدري بشي حتى لو أقرب المقربين.. |
انتظروا الحلقة ال 4 بإذن الله تعالى
اتمنى ممن يقرأ السيناريو أن يبدي رأيه بشكل عام
هل استمر في كتابة المسلسل؟ أين أنتم يا متابعين؟
هل لاحظتم أي تطور في كتابتي للسيناريو؟
هل ألهمكم المسلسل لفكرة ؟ أو ذكركم بشيء ما في الحياة؟
شاركنا رأيك بكل إيجابية .. ما هو تحليلك؟
دمتم بحب
زهرة علي
لو سمحتي فين تكملة المسلسل اندمجت أنا وصديقتي في القراءة شي كتير حلو كتاباتك جميله يعطيكي العافيه وما بقى تطولي علينا
ردحذفأهلاً سلام، شكراً جزيلا على الإطراء، وإن شاء الله أول ما اخلص الحلقة الرابعة بنزلها..ممتنه للجميع
حذف