أم الملايين - الحلقة 2
الحلقة الثانية
|
التسلسل |
المشهد |
الحوار |
|
المشهد
السابع (7) |
|
|
|
16 |
داخلي \
نهار على طاولة
الطعام تتناول عائلة عبد الرحمن وجبة الفطور بهدوء.. ترتدي رهف ملابس المدرسة و
كذلك محمد، بينما دانة بأناقتها ومكياج خفيف للجامعة يرن جرس
البيت
|
صوت جرس
البيت سعيدة: من
ياينا هالحزة؟ رهف: أوه
لا لا .. ماما من الصبح من ياينا هالحزة؟ دانة: صج
ترى من ياينا من الصبح للحين الناس راقدة عبدالرحمن:
كملوا ريوقكم أنا بشوف من في الباب. |
|
17 |
خارجي \
نهار يخرج عبد
الرحمن عبدالرحمن
يفتح الباب امرأة
غريبة ترتدي عباءة رأس وتغطي وجهها بالنقاب (البرقع)
تخرج
سعيدة من الباب متوشحة شال على رأسها
سعيدة
تناولها مبلغ بسيط وعبدالرحمن يراقبها بصمت
تدعي
لسعيدة بالخير
تغادر
المكان ويدخل عبدالرحمن وسعيدة لداخل البيت |
عبدالرحمن:
من؟ من انتي؟ تبين من؟
المرأة
الغريبة: بغيت سعيدة
عبدالرحمن
موجهاً الكلام لسعيدة: في وحدة تبيج.. تعرفينها؟ سعيدة: أي
هذه فقيرة تجيني من زمان وأعطيها صدقة
المرأة
الغريبة: جزاج الله خير ما قصرتي .. بس سعيدة:
خير .. آمري المرأة الغريبة:
خمسة دينار قليل .. آنا سمعت أن ربحتي المليون.. ما تقدري تزيدي المبلغ. عبدالرحمن
بدهشة: ها سعيدة:
الله يعطيج من أوسع أبوابه
المرأة
الغريبة: الله يجازيج الخير.. الله يوفقج ويهدي أولادج .. الله يفتحها عليج ويبارك
في رزقج |
|
18 |
داخلي \
نهار
في صالة
المنزل
عبدالرحمن
يقرر أن يفاتح سعيدة بمشروعه |
عبدالرحمن:
من متى تساعدينها ؟ سعيدة:
والله حالي حال الناس لما يجينا فقير للبيت ما احب ارده .. وهذي عندها أيتام ..خمسة
ولا شي من اللي نصرفه يوميا... وهي ما تجيني يومياً .. كل 3 شهور مرة عبدالرحمن:
وشلون عرفت عن المليون؟ سعيدة: ما
ادري بس أكيد سمعت .. الخبر انتشر
عبدالرحمن:
بالصراحة .. أنا حاب أدخل مشروع مع أخوي عبدالله .. سعيدة:
مشروع شنو؟ عبدالرحمن
بجدية: مشروع في العقارات .. وحاب انج تموليني .. وأرجع لج بعدين بالتقسيط ..
سلف بس سلف سعيدة:
يصير خير يبو محمد .. الحين بس وصل اليهال مدارسهم وبعدين نتكلم في الموضوع.. عبدالرحمن:
مشكورة يا الغالية يا أم محمد
|
|
المشهد
الثامن (8) |
|
|
|
19 |
خارجي \
نهار في
السيارة.. يوصل الأب رهف إلى مدرستها ثم يوصل محمد
محمد قبل
أن يصل إلى مدرسته.. يدردش مع والده داخل السيارة .. والسيارة تمشي في الطريق
محمد يصمت
تصل
السيارة لباب المدرسة
ينزل محمد
من السيارة ويغلق الباب |
موسيقى
تصويرية
محمد:
بابا أنا أبي موتر سيكل عبدالرحمن:
الموترسيكل حاله حال السيارة ولازم ليسن محمد: كل شباب
المدرسة عندهم إلا أنا عبدالرحمن:
وإذا الشباب والربع خالفوا القانون .. أحنا بعد نخالف؟
عبدالرحمن يسترسل:
ما يصير يا بابا .. الديره فيها قوانين.. وثانياً إذا صادوك الشرطة تمشي موتر
سيكل بدون ليسن بتنسجن ويروح مستقبلك الدراسي.. صح أو لا كلامي؟ محمد بزعل:
صح عبدالرحمن
يتنهد: شيل الفكرة من راسك وركز على الدراسة محمد بحزن:
إن شاء الله بابا عبدالرحمن:
يالله وصلنا .. مع السلامة محمد: باي |
|
المشهد
التاسع (9) |
|
|
|
20 |
داخلي \
نهار سعيدة
تغسل الأواني في المطبخ الهاتف
على طاولة الطعام لا يتوقف عن التنبيهات .. رسائل متواصلة تنهي غسل
الأواني وتتصفح المسجات وتفتح المسج
الأول: عبارة عن
رسالة صوتية من رقم مجهول
تفتح مسج
من "خالد أخوي" مكتوب فيه (هلا أم محمد .. عندج 3 آلاف سلف؟)
وبعدها
تفتح رسالة صوتية مجهولة المصدر
ثم تنتقل
لمسج آخر (مرحبا .. أنا صديقتج في الدبلوم .. مبروك المليون.. وإذا حابة ندخل مع
بعض مشروع .. عندي لج خوش مشروع)
ثم تبكي
بحرقة
|
صوت رنة
تنبيهات الهاتف (صوت المسجات) - مسجات متواصلة
رسالة
صوتية"صوت امرأة": صباح الخير أخت سعيدة.. احنا جمعية خيرية وحابين
انج تنظمي معانا في الجمعية وتشاركين بمبلغ لمساعدة المحتاجين وتقديم المعونات..
اذا وصلتج الرسالة اتصلي على الرقم المرفق..
سعيدة:
يالله صباح الخير
سعيدة
باستغراب: 3 آلاف!
رسالة
صوتية "صوت رجل": غيري حياتك بالانضمام معنا إلى عالم التداول واربحي
الملايين..
سعيدة
باستنكار: ملايين! خلني استوعب صدمة المليون بالأول!
سعيدة بألم: ما
أحد دمرني غير هالدبلوم لو مكملة للبكالوريوس جان مو هذا حالي .. آه
|
|
المشهد
(10) |
|
|
|
21 |
خارجي \
نهار دانة عند
أحد مباني الجامعة .. يقترب منها خطيبها فهد
دانة تصمت
لبرهة وتتنهد (تخرج صوتا للزفير) |
فهد:
اشرايج في المفاجآة؟ دانة: ليش
ما رحت الشغل؟ فهد
باستهبال: شنو؟ عندنا مليون وتبيني أداوم! دانة
باستكار: حرام عليك .. صار لي 3 سنوات مخطوبة .. آنا أبي أعرف أحنا بنتزوج أو
لا؟ فهد: أكيد
بنتزوج.. أنا قلت لج الشهر الجاي أول ما تتخرجين.. دانة:
شلون بنتزوج؟ الشقة مو جاهزة ولا جهزنا أي شي للعرس .. الصالة والفستان وكل
مستلزمات العرس وو فهد يقاطع
حديثها: وحدة وحدة علي .. الشقة بنتأجر شقة جاهزة .. والعرس عليج تقنعين خالتي
عشان تعطينا كم ألف نأثث ونعدل أمورنا. دانة: ما
يصير يا فهد .. أنت مو مستوعب .. آنا استحي أطلب من أمي .. أنت المسؤول عن هذي
الأمور .. هذا زواجنا افهمني فهد: أنا
فاهمج .. بس هالمرة عاد ..وبعدها بنعتمد
على نفسنا.. ثقي فيني..يالله عاد
دانة
تتنهد: ما اوعدك لكن بحاول
|
|
المشهد
(11) |
|
|
|
22 |
خارجي \
ليلا يتجمع
محمد مع رفاقه عند أحد الشوارع المنقطعة وصوت الأغاني الشبابية يضج الشارع.. ويقوم
بتجربة الدراجة النارية.. و أصدقائه
يقوموا بحركات صبيانية أحدهم
يمشي بالدراجة على إطار واحد والآخر
يصعد واقفاً على رجله والدراجة تسير..
وما هيّ
إلا لحظات وتأتي دورية الشرطة لتقبض عليهم أضواء
دورية الشرطة
لم
يستطيعوا الهرب وتم القبض عليهم
|
موسيقى
تصويرية شبابية
أحد
أصدقاء محمد: الشرطة .. الشرطة |
|
المشهد
(12) |
|
|
|
23 |
داخلي \
ليلاً في صالة
منزل والدة سعيدة
أم سعيدة
تفكر بصمت |
نادية بحماسة
زائدة: يمه بغيت افاتحج في موضوع ضروري ولا ترديني أم سعيدة
بقلق: خير يا بنيتي.. فيكم شي؟ نادية
بحزن:هذا الأسبوع طاح علينا بوفهد .. ولما وديناه المستشفى.. قالوا لنا كليته
خراب .. والحين محتاجين مبلغ كبير للعملية.. تقدرين تساعديني؟ أم سعيدة
متفاجآة: طاح عليكم؟ ماحد خبرنا ولا سمعنا عن هالموضوع! نادية
بحزن: ما حبيت أخبركم عشان ما تحاتون.. المهم الحين محتاجين مبلغ كبير للعملية.. أم سعيدة:
مبلغ كبير! من وين لي يمه .. انتي تعرفين كل اللي عندي اصرفه على البيت ومعاش
للخدامة أوو
نادية
تقاطعها بدهاء: إذا ما عندج قولي لسعيدة تساعدنا وتعطينا.. أكيد بتسمع كلامج ..
هي تحبج وما تردج..
نادية
بإلحاح: شنو قلتي ؟ بتكلمينها؟ أم سعيدة
بعصبية: آنا أقول توكلي على الله وروحي بيتج الله يستر عليج.. نادية:
ليش يمه ؟ شنو صاير؟ أم سعيدة:
ريلج البهلواني ما فيه شي ولا شي.. نادية:
أقول لج مريض كليته .. يمه أم سعيدة:
انتي دايماً هاللون.. تحبين الشي اللي في يد أختج من يوم ما كنتي صغيرة.. نادية بألم:
الحين آنا جذي يمه .. آنا حسودة؟ أم سعيدة:
خلي أختج في حالها .. اتمني لها الخير والسعادة وبييج دبلهم.. نادية:
يمه أم سعيدة
بعصبية: بلا تمثيل .. حركاتج مكشوفه .. اتصلي في ريلج يجي يآخذج.. خلاص ما بي
أسمع ولا كلمة. |
|
المشهد
(13) |
|
|
|
24 |
داخلي \
ليلا
في صالة
المنزل تجتمع العائلة دانة تكتب
في دفترها
رهف تتصفح
هاتفها ترفع دانة
رأسها سعيدة
وعبدالرحمن يشاهدان التلفاز
يتهلل وجه
دانة فرحاً
رهف تمسك هاتفها للاتصال فجأة يرن
هاتف عبدالرحمن ويجيب
تصاب
سعيدة بحالة إغماء
|
دانة:
ماما ابيج في موضوع ضروري سعيدة:
موضوع شنو حبيبتي؟ دانة:
محتاجة كم ألف عشان تجهيزات الزواج .. عطيني سلف وبردهم لج .. وأكو الكل موجود
يشهد أني بآخذهم سلف.. سعيدة:
بفكر في الموضوع وبرد لج خبر رهف
باستهزاء: أفا.. فهد كان يبي يروح سويسرا وهو مفلس! دانة: ماما
شوفيها سعيدة
بحسم: خلاص قلت لج بفكر وبرد لج خبر.
عبدالرحمن:
ما قررتوا شنو بتطلبون للعشى ؟ سعيدة
بقلق: للحين ما رجع محمد.. تأخر هالمرة. عبدالرحمن:
هو قال بيروح المكتبة مع ربعه وما بيتأخر.. شنو تبون عشى؟ سعيدة:
رهف دقي على أخوج شوفي اشفيه تأخر؟
رهف تتصل:
مقفل .. ما يرد عبدالرحمن
يجيب بقلق: ألو .. من معاي الشرطي:
معاك الشرطة .. ولدك محمد موقوف عندنا عبدالرحمن:
الشرطة؟ محمد في الشرطة؟ دقايق وأكون عندكم.. سعيدة:
يمه ولدي ..
|
هذه كانت
الحلقة الثانية من مسلسل أم الملايين
اتمنى أن تنال إعجابكم
إذا كان عندك اقتراح بخصوص اسم المسلسل .. أو أي ملاحظة تفيدنا في كتابة
السيناريو تقدر تضعها في التعليقات ونستفيد من خبرات بعضنا البعض .. وأكيد في
أخطاء .. أتمنى أنكم تصلحونها لي .. أو إضافات .. مع خالص الشكر
ما هي توقعاتكم
للحلقة الثانية؟
أختكم
زهرة علي
تعليقات
إرسال تعليق
تعليقاتك الإيجابية تسعدنا