قصة وسيناريو وحوار:
زهرة علي
اخراج:
انتاج:
بسم الله الرحمن الرحيم
|
تسلسل اللقطات |
وصف المشهد (اللقطات \ الصورة \ السيناريو) |
الحوار |
|
المشهد الأول (1):
|
يبدأ المشهد بموسيقى تصويرية مع الأحداث
|
|
|
1 |
خارجي \ نهار عند أحد المباني الراقية التابعة للبنك، تتوقف سيارة
سوداء فارهة ، سيارة طويلة، تنزل منها السيدة "سعيدة" بعد أن يفتح لها الباب السائق ذو البدلة
السوداء. ترتدي سعيدة بدلة بيضاء مع جاكيت رسمي باللون البنفسجي
و حجاب أبيض وتبدو أنيقة ببساطتها، ويرافقها زوجها "عبدالرحمن" ويرتدي
الثوب الخليجي مع غترة وعقال وحذاء أسود جديد.
يمشيان معاً على السجادة الحمراء ويستقبلهم موظفوا
البنك، يقفان جانباً ، ثم يأتي صوت المذيع ليعلن عن الجائزة الأولى ، وسط حضور
بسيط من الموظفين والمصورين والصحافيين.
|
|
|
2 |
داخلي \ نهار داخل البنك
المذيع يمسك المايكروفون، وسط حماس الحضور وموسيقى
حماسية
صوت موسيقى تحفيزية لإعلان اسم الفائز المذيع بصوت عالي وحماسي
تتوجه " سعيدة" بابتسامة عريضة نحو المنصة تستلم جائزتها من
مدير البنك وتصور وبجانبها زوجها "عبدالرحمن" والابتسامة على وجوههم. الجائزة عبارة على شكل مستطيل لشيك نقدي بحجم كبير
مكتوب اسم الفائزة "سعيدة عبدالغني" و مبلغ مليون دينار.
الحضور ببدلات رسمية وجميعهم واقفون ومتجمعون حول منصة
التكريم ويصفقون
|
المذيع: والآن نعلن عن الفائز بالجائزة الأولى ..
المذيع: الفائزة بالجائزة الأولى هي السيدة سعيدة عبد
الغني .. فازت معنا بمبلغ مليون دولار.. فلتتفضل معنا على المنصة ..
صوت تصفيق الحضور مع موسيقى تصويرية |
|
المشهد الثاني (2) |
|
|
|
3 |
خارجي \ نهار
السيارة الفارهة التي أوصلتهم للموقع هي نفسها التي
ارجعتهم إلى منزلهم المتواضع.
|
صوت موسيقى تصويرية
|
|
4 |
داخلي " في صالة المنزل" \ نهار
نزلوا من السيارة، ودخلوا منزلهم وإذا بالأهل والمعارف
يستقبلونهم داخل البيت بالزغاريد والفرح..
أم سعيدة تحتضن سعيدة وتقبلها
يضحك الجميع
كانت والدتها ترمي النون بفرح " وهو عبارة عن
مشموم وحلويات"
|
صوت زغاريد
أم سعيدة: الف مبروك يا عمري تستاهلين كل الخير يا
الزينة انتي .. الله يهنيش حبيبتي سعيدة: الله يبارك فيج يمه أم سعيدة: إلا وين الجائزة
صوت ضحكات الجميع سعيدة: يمه حبيبتي الجائزة بحسابي في البنك ما يصير
اشيل مبلغ كبير معاي أم سعيدة: هاللون السالفة.. الله يزيدج ويبارك لج فيهم سعيدة: مشكورة يمه عقبالج وعقبالكم كلكم
موسيقى تصويرية
|
|
5 |
داخلي " في صالة المنزل" \ نهار
أثناء تجمع الأهل ومباركتهم لأختهم سعيدة
صوت داخلي .. أخت سعيدة
نادية تنهي حديثها الداخلي باتسامة صفراء
|
موسيقى تصويرية
نادية "صوت داخلي": طول عمرج محظوظة يا أختي
.. من صغرنا وأنتي الأوفر حظاً.. المفروض هالمليون تطلع لي.. جان أخذت لي بيت
بدل هالضيق اللي آنا فيه.. |
|
6 |
داخلي " في صالة المنزل" \ نهار
تقترب الكاميرا من زوج أختها عمر .. وهو يحدث نفسه
ثم يقترب بابتسامة صفراء من سعيدة
تلتفت سعيدة بفرح اتجاه اختها نادية وزوج اختها عمر |
عمر"صوت داخلي": لو طلعت لي هالجائزة جان
شغلتها في الأسهم.
عمر: الف مبروك يا أم محمد تستاهلين تستاهلين سعيدة: الله يبارك فيك يا بو فهد..
سعيدة: عقبالكم يا ام فهد ويا بو فهد نادية بتهكم: من وين يا حسره سعيدة: تفائلي يا ختي ربج كريم .. آنا ما كان على بالي
أفوز وفزت بالجائزة والحمد لله. عمر بحماسة: إن شاء الله يا رب |
|
7 |
داخلي " في صالة المنزل" \ نهار
ثم تقترب الكاميرا من أخوها خالد
ثم تقترب الكاميرا من زوجة خالد "فوز"
ثم تقترب فوز من سعيدة وهي تصفق وتقبلها |
موسيقى تصويرية خالد " صوت داخلي": اخخخ لو تعطيني شوي افتح
لي كراج ما صار ولا استوى
فوز "صوت داخلي": الحظ للشلقة والبلقة ..
الدنيا حظوظ
فوز: الف مبروووك حبيبتي .. تستاهلين الخير كله |
|
8 |
داخلي " في صالة المنزل" \ نهار
ثم تقترب الكاميرا من ابن اختها نادية .. اسمه فهد وهو
خطيب ابنتها دانة
تقترب منه خطيبته دانة بفرح وعيناها ملؤها الحب
|
فهد "صوت داخلي": زين اني ما فكيت الخطبة
جان طارت علي المليون.
|
|
9 |
داخلي " في صالة المنزل" \ نهار
الطفل علي أخ فهد وهو يرقص رقصة فورتنايت المشهورة..
وسط ابتهاج الجميع بحركاته العفوية
تقترب رهف من الطفل علي بلطف رهف تقوم بعمل يدها على شكل مايكروفون وتداعب علي في
حديثها أمام الجميع
ضحك الجميع
تقترب الكاميرا من نادية
يكتمل المشهد بابتسامات مزيفة وتصفيق الحضور ومباركتهم
لسعيدة
|
رهف: علاوي حبيبي .. شنو بتسوي لو طلعت لك مليون
دولار؟ علي ببراءة: لو تطلع لي مليون جان اشتريت لي دولارات
للبلستيشن
صوت ضحكات الجميع نادية بعصبية: هذا اللي فالح فيه بلستيشن و سكنات
ومادري شنو. رهف: اشفيج؟ ترى مو صدق .. خليه يعبر عن شعوره.. |
|
المشهد الثالث (3) |
|
|
|
10 |
خارجي \ ليل بعد أسبوع..
حديث بين عبدالرحمن وأخوه عبدالله في الديوانية. يقدم موظف القهوة الشعبية استكانة شاي لعبدالرحمن
وأخوه عبدالله.. يتناول عبدالرحمن وأخوه الشاي ويبتعد مقدم الشاي
عنهما..
تقترب الكاميرا من عبدالرحمن |
صوت صواني وأواني التقديم
ينبعث صوت أغاني قديمة لعبدالحليم حافظ بصوت جداً خافت
عبدالرحمن بحزن: ما اقدر اجبرها على أي شي.. هذه
فلوسها وكيفها
عبدالله بحماس زائد: يا خوي أنت تقدر تسوي كل شي كل شي
.. تقدر تتصرف بالمليون على كيف كيفك..
عبدالرحمن بانفعال: شلون؟ علمني شلون؟ أنا كل ما
كلمتها قالت لي مو الحين وبفكر أول.. الحين ابيك تعلمني شلون؟
عبدالله: أضغط عليها .. قول لها بتزوج عليج.. سو نفسك
زعلان ونفس عليها.. لا تكلمها .. سو نفسك حزين .. أو مديون .. سو أي شي .. المهم
نطلع من عندها بكم ألف.
عبدالرحمن: صعب يا خوي صعب..
عبدالله: حاول يا خوي قبل ما تطير الطيور بأرزاقها..
|
|
المشهد الرابع (4) |
|
|
|
11 |
داخلي "صالة المنزل" \ ليلا أمام شاشة التلفزيون الكبيرة في الصالة ، ومع الفشار
والشاي والقهوة سعيدة جالسة في الصالة مع بناتها دانة و رهف
تغمزان لبعض (سعيدة ورهف)
|
صوت مسلسل في التلفاز
رهف بحماس زائد وفرح: شفتي ماما الفيديو اللي نزلوه
البنك عن جائزتج.. ما شاء الله كل الناس تبارك لج.. الكل فرحانة لج يا أم محمد.
دانة ممازحة: انشهرتي يا ماما صرتي أم الملايين
رهف: قولي ماشاء الله لا تنظرين الماما
دانة: مستحيل أصلاً احسد الماما.. ما شاء الله ما شاء
الله
سعيدة: مادري اشفيه تلفوني شير من كثر المكالمات
والمسجات مو بعارفة افتح أي شي.. وين أخوكم محمد خله يشوف لي حل .. كل شي مشير
عندي..
دانة: محمد طلع مع خطيبي فهد..
سعيدة: اشوف اليوم راضيه عليه .. خطيبي وخطيبي..
دانة: راضاني وياب لي شوكولا.. و وو
رهف تقطع حديثها باستهزاء: أوه لا لا .. أوه لا لا ..
أتمنى أنه يكون راضاك لأنه يحبك مو لشي ثاني
دانة: شي ثاني مثل شنو؟
سعيدة موجهة كلامها لرهف: انتي الوحيدة اللي تفهمني
|
|
12 |
داخلي "صالة المنزل" \ ليلا
صوت مفاتيح الباب.. يدخل عبدالرحمن
يجلس عبدالرحمن ويتناول فنجان القهوة من يد ابنته رهف
|
عبد الرحمن متضايق : سلام عليكم سعيدة وبناتها: عليكم السلام دانة: اشفيك بابا؟ عبدالرحمن: ما فيني شي .. تعبان شوي.. سعيدة لرهف: صبي لأبوج قهوة.. تعال اقعد معانا
|
|
13 |
داخلي "صالة المنزل" \ ليلا
يدخل محمد ثم فهد من خارج باب الصالة
صمت رهيب ونظرات
|
فهد: يالله يا الله محمد مع فهد: سلام عليكم الجميع: عليكم السلام سعيدة: الله يابك يا محمد.. تعال شوف تلفوني مشير ما
اقدر اشوف الواتساب..
فهد ممازحاً: الظاهر شم الملايين ومرض .. يبي لج واحد
يديد
سعيدة بصوت منخفض: يا ثقل دمك.. محمد: يبي له فرمته .. عطيني 5 دقايق ويكون تمام
التمام سعيدة: يا بعد عمري يا محمد دائماً المنقذ.. عساني
اشوفك معرس فهد: على طاري المعرس.. أنا ودانة قررنا نتزوج الشهر
الياي رهف: صج! .. ما خبرتنا دانة دانة: من شوي كنت بخبركم بس انتي قاطعتيني عبدالرحمن: الله يتمم لكم على خير..
محمد وهو منشغل ببرمجة الهاتف: وايد زين ما بغيتوا ..
وايد طولتوا في الخطوبة فهد: وشهر العسل بنقضيه في سويسرا إن شاء الله
سعيدة باستنكار: ما شاء الله سويسرا مرة وحدة .. من وين
البيزات انهلت عليك مرة وحدة بتروح سويسرا والشقة في بيت ابوك ما اكتملت.
عبدالرحمن (صوت داخلي): الظاهر حاط عينه على المليون
بيحقق أحلامه وبيسافر..
رهف (صوت داخلي): مسكينة يا ماما كل من يبي يستغلج ما
تسوى عليج هالمليون.. محمد: إذا حاط عينك على فلوس أمي مش بوزك.. هي الوحيدة
اللي تقرر شنو بتسوي فيها.. وما حد له حق التصرف غيرها رهف: كفو عليك دانة: اشفيكم على خطيبي .. ما قال بياخذ منكم شي .. بس
الغيرة شنو تسوي.
سعيدة: الف مبروك حبيبتي الله يتمم لج على خير .. بس
خبرونا بالتفاصيل عشان نجهز روحنا للحفلة..
رهف بسعادة: مبروك دندن وأخيراً
|
|
المشهد الخامس (5) |
|
|
|
14 |
داخلي " في مطبخ شقة نادية" \ ليلاً
نادية "أخت سعيدة" مع زوجها عمر جالسان عند
طاولة الطعام يتناولان القهوة مع البسكويت |
عمر: لازم تحسنين علاقتج مع اختج هذي الفترة .. ضروري
نطلع منها بشي نادية: كتومة.. ما ترضى تتكلم عن مشاريعها ولا أحد
عارف شنو بتسوي بهالفلوس. عمر: انتي فاتحيها في الموضوع نادية: آنا كل ما افاتحها في الموضوع تغيره عمر: أنا عندي خطة حلوة .. تخليج تآخذين منها فلوووووس
بدون ما تقول لا أو تحس بأي شي. نادية بخوف: بشرط ما تكون الخطة مؤذية.. مهما يكون هذي
اختي وما ارضى لها الأذية عمر: لا تحاتين .. الخطة بسيطة وعفوية، بس يبي لج شوية
تمثيل ودمعتين والموضوع خالص. نادية تقترب: شلووووون؟
|
|
المشهد السادس (6) |
|
|
|
15 |
داخلي " في غرفة نوم سعيدة" \ ليلاً
في غرفة النوم الخاصة بعبدالرحمن وسعيدة
سعيدة تجلس عند المرآة وتضع كريم اليد الخاص بها
يرن الهاتف ... المتصل.."نبع الحنان"
سعيدة تغلق المكالمة
|
سعيدة: اشفيك الوانك متغيرة.. مو من عوايدك .. عبدالرحمن: ما فيني شي.. سعيدة بقلق: أهلك .. ربعك.. شغلك ... في شي؟ عبدالرحمن: كل شي تمام لا تحاتين صوت رنين الهاتف سعيدة تجيب: هلا يمه .. حبيبتي شلونج؟ أم سعيدة: الحمد لله بخير .. اسأل عنج.. سعيدة: تآمريني بشي؟ أم سعيدة: لا والله بس حبيت اطمن عليج .. ما سمعت صوتج
صار لج أسبوع ما تتصلين مو من عوايدج.. سعيدة: انشغلت يمه سامحيني .. وتلفوني مشير وما يشتغل
توني مصلحته أم سعيدة: مسموحة يمه .. بس حاولي تمرين نبي نشوفج سعيدة: إن شاء الله يمه أم سعيدة: أهم شي تطمنت عليج ..سلمي على بو محمد
ويالله مع السلامة سعيدة: مع السلامة
سعيدة: أمي تسلم عليك عبد الرحمن: الله يسلمها يشيح وجهه صامتاً ويغطي نفسه على السرير ويتظاهر بأنه
يريد النوم سعيدة تنظر إليه باستغراب سعيدة (حديث داخلي): اشفيه متغير علي.. ليكون ابتدى
يغار
|
|
المشهد السابع (7) |
|
|
|
16 |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
تعليقات
إرسال تعليق
تعليقاتك الإيجابية تسعدنا